Marie Armentia

Marie Armentia

a posté un article :

La linguistique ça sert à quoi ?

Pichòta capsula video de vulgarizacion realizada pendent la jornada d'estudis LangaJE a Lion en noveme de 2022: a çò que serveish la lingüistica?

 ---------------------------

Lundi 16 Octobre 2023 à 14:05

Marie Armentia

a posté un article :

Cap a Lion en companhia de Jane Austen

Le tribalh de doctorant.a ne consisteish pas solament a escríver la tèsi. Es vertat qu'entà validar lo doctorat, i a solament besonh de la tèsi e de har quauquas òras de formacion. Totun, après lo doctorat, se volem ensenhar a l'universitat, e donc vàder mèst@ de conferéncias, cau obtiéner ua "qualificacion" dens ua o mantua seccion deu CNU (Conselh Nacionau de las Universitats). Cada seccion (o disciplina / camp de recèrca) a critèris diferents, e sovent, la sola tèsi n'es pas pro; cau tanben aver hèit comunicacions scientificas en collòquis, escriut articles, etc. Es donc important de cercar cridas a comunicacion entà participar a eveniments scientifics, ideaument suu tèma de la tèsi, mes pòt tanben estar un pichon projècte a costat de la tèsi, o dens mon cas dens aqueste article, un tribalh mei ancian suu quau n'aví pas enqüèra avut l'escadença de comunicar.

---------------------------

Lundi 16 Octobre 2023 à 12:00

Marie Armentia

a posté un article :

Séminaire "Rapports de pouvoir dans et par les sciences humaines"

EN genèr de 2023, participèi a un seminari de recèrca organizat per duas doctorantas en geografia suu tèma deus "rapòrts de poder e de dominacion dens l'encastre de las sciéncias umanas". Estó per jo l'escadença de har un punt d'etapa de mas reflexions sus las justificacions de l'apròchi intervencioniste de ma recèrca. Fin finau, lo tèma deu seminari me balhè claus de lecturas que'm permetón d'unificar e de clarificar mas pensadas, e de m'avisar de mon avança sus aqueth subjècte.

---------------------------

Jeudi 12 Octobre 2023 à 11:55

Marie Armentia

a posté un commentaire sur l'article Istòria d'una cronica desbrombada de Marie Armentia

Jeudi 5 Octobre 2023 à 11:12

Marie Armentia

a posté un article :

Encontres dab Rigaut de Barbezilh

A l'estiu de 2022, puish un còp mei a l'estiu de 2023, avoi l'escadença de tribalhar suu trobador de Sentonge, Rigaut de Barbezilh - lo purmèr còp en participar a l'organizacion de jornadas d'estudi dens mon universitat, e lo dusau còp en presentar un reportatge suu trobador per ÒCtele e France 3.

---------------------------

Mercredi 4 Octobre 2023 à 15:37

Marie Armentia

a posté un article :

Virada doctoranta a Nancí

A la debuta de julhet  de 2023, passèi 3 dias a Nancí entà participar a ua universitat d'estiu: estón 3 dias de formacion a la comunicacion scientifica a destinacion deu gran public, mercés a conferéncias, taulas redondas, talhèrs e moments de convivéncia. Estó l'escadença d'encontrar joen.as cercaire/as, de'm perfeccionar, de presentar un talhèr de vulgarizacion que creèi l'an passat dab doctorant.as en Infocom a l'universitat Bordèu Montanha, e de sensibilizar l@s participant.as a l'existéncia de l'occitan.

---------------------------

Mercredi 4 Octobre 2023 à 11:44

Marie Armentia

a posté un article :

Viatge impromptú en Catalunha

En seteme de 2022, avoi l'escadença d'anar assistir au IIIau Congrès Internacionau de Revitalizacion de las Lengas Indigènas e Minorizadas en Catalonha (mei precisament a Girona en Espanha e Perpinhan). Aqueth congrès estó hòrt interessant per ma recèrca e entà crear e ahortir mons hialats dens lo monde de la sociolingüistica. Lo collòquis e congrès de sociolingüistica son tanben hòrt interessants deu punt de vista de lor practica lingüistica: es sovent possible de comunicar dens mantuas lengas - en generau (dens l'espaci roman) haut o baish totas las lengas romanas, l'anglés e la lenga deu lòc d'arcuelh de l'eveniment.

---------------------------

Mardi 3 Octobre 2023 à 16:37

Marie Armentia

a posté un article :

Istòria d'una cronica desbrombada

A l'abòr de 2022, ensagèi de publicar ua cronica pertocant las relacions entre lei, territòri, lenga e societat - especiaument a perpaus de l'occitan - dens ua revista juridica en cors de creacion a l'universitat de Bordèu. Malurosament, mon article n'estó pas acceptat... E òc, la mauescaduda hè tanben partida de la recèrca, e nos cau saber càder de pès!

Las ideas que desvolopèi dens ma cronica ne son donc pas perdudas e las podoi dejà tornar desvolopar dens ua comunicacion scientifica dens un seminari de recèrca en Bretanha (article associat de paréisher) e dens un article de vulgarizacion en anglés sus Internet.

---------------------------

Mardi 3 Octobre 2023 à 14:10

Marie Armentia

a posté un article :

Journée des doctorant.es IKER 2023

Presentacion deus mens corpus de tèsi entà estudiar las representacions deus/de las eslhèves d'occitan a la jornada annuau deus/de las doctorant.as de mon laboratòri de recèrca, IKER, a Baiona, lo 7 de junh de 2023.

---------------------------

Lundi 24 Juillet 2023 à 12:15

Marie Armentia

a posté un article :

L'occitan, qu'es aquò ? Calandreta de la Dauna / UBM

En heurèr de 2023, la calandreta de la Dauna, qui's tròba a Peçac, juste au dret deu campus universitari, organizè ua setmana occitana "L'occitan, qu'es aquò ?" dens Bordèu, dab conferéncias, projeccion au cinèma, taulas redondas e visitas guidadas. Lo 24 de heurèr, presentèi mon projècte de tèsi, e mei precisament lo talhèr de dessenh que vienèvi de har a la calandreta de la Dauna.

---------------------------

Lundi 24 Juillet 2023 à 10:51

Marie Armentia

a posté un article :

Journées langues et cultures régionales - u. Poitiers

Lo 23 de heurèr de 2023, anèi a Peitieus entà participar ad ua taula redonda suu tèma de l'ensenhament de las lengas regionaus en França, dab la mira de soscar a mejans de desvolopar l'ensenhament deu peitavin-santongés (o parlanjhe), qui n'existeish pas enqüèra dens l'Educacion Nacionau. Mon viatge a Peitieus estó finançat peu projècte de recèrca regionau PaRL (Patrimòni Regionau Lingüistic) dont hèi partida a l'universitat. Lo ser abans la taula redonda, podoi assistir a un espectacle inedit en francés e peitavin-santongés, Le poitevinlologue, çò qui me permetó de descobrir aquera lenga peu purmèr còp.

---------------------------

Lundi 24 Juillet 2023 à 10:28

Marie Armentia

a posté un article :

Talhèrs de dessenh en classa

Entà recuélher las representacions de l'occitan deus eslhèves eths/eras-medish.as, organizèi talhèrs de dessenh en classa. Collectèi atau 98 dessenhs dens 6 classas dens 5 escòlas (2 calandretas de Navèra-Aquitània e 3 escòlas bilinguas en Tarn-e-Garona).

---------------------------

Vendredi 21 Juillet 2023 à 11:15

Marie Armentia

a posté un article :

12e colloque estudiantin des sciences du langage

Presentacion deu men protocòle experimentau d'enquèsta MAC comparada enter tres lengas (occitan, basco, catalan) au 12au collòqui de las sciéncias dau lengatge de l'universitat Bordèu Montanha lo 14 d'abriu de 2023.

---------------------------

Jeudi 13 Juillet 2023 à 09:25

Marie Armentia

a posté un article :

11e colloque estudiantin des sciences du langage

Presentacion de las mias refleccions sus las implicacions de l'intervencion en sociolingüistica e de ma pre-enquèsta MAC au 11au collòqui de las sciéncias dau lengatge de l'universitat Bordèu Montanha lo 15 d'abriu de 2022.

---------------------------

Mercredi 12 Juillet 2023 à 17:14

Marie Armentia

a posté un article :

Webinaire "Los Dimars de l'OPLO" #4

Los webinaris "Los Dimars de l'OPLO" que son un cicle de mini-conferéncias en linha dens las quaus l'OPLO balha carta blanca a un.a cercaire/a per que presente un aspècte de la soa recèrca en ligam dab l'occitan e/o la sociolingüistica e la didactica de las lengas minorizadas.

La quatau edicion deu webinari Los Dimars de l'OPLO se debanè lo dimars 14 de març 2023 a 6ò deu vrèspe en linha sus la platafòrma d'estreaming Twitch. L'invitat èra Philippe Blanchet, professor de las universitats en sociolingüistica a l'universitat de Rennes 2. Dens la soa conferéncia, presentè la lei Molac : son istòria, çò que permet e çò qui pòt empachar la soa applicacion.

 ---------------------------

Mardi 11 Juillet 2023 à 15:49

Marie Armentia

a posté un article :

Questionari "MAC" en linha

La purmèra etapa de ma tèsi, qui èra dejà prevista dens lo projècte de recèrca desempuish l'origina - au contre d'autes còrpus que vau estudiar tanben, èra un questionari en linha emplegant lo metòde "MAC" a perpaus de las representacions de l'ensenhament de las lengas en França e de las representacions de la lenga occitana. Après ua fasa de pre-enquèsta a l'estiu de 2021 (72 responsas textuaus), lo doble questionari principau estó difusat en linha en mai-junh de 2022 e amassè 389 responsas de parents d'eslhèves e ensenhaires (per la màger part).

---------------------------

Mardi 11 Juillet 2023 à 11:26

Marie Armentia

a posté un article :

Liceans Ambaissadors : projècte video

Dens l'annada escolara 2021-2022, l'OPLO qu'organizè lo projècte Liceans Ambaissadors. Los joens e las joanas d'aqueste grop, a qui demandavan sustot lor vejaire a perpaus de posters e autes eslogans de comunicacion entà miélher s'adreçar a licean.as, an avut l'idea de har ua seria de videos per presentar un element deu patrimòni de lor vila, pr'amor aquò's ua de las causas que lors cors d'occitan los an hèit descobrir.

---------------------------

Mercredi 28 Juin 2023 à 09:58

Marie Armentia

a posté un article :

Projècte Liceans Ambaissadors

Dens l'annada escolara 2021-2022, l'OPLO testè un dispositiu innovant au bèth miei deu PAL (Plan d'Accion Licèu qui avè per mira d'enrainar la baisha deus effectius d'eslhèves au licèu desempuish la refòrma deu licèu e deu Bac en 2018) : los Liceans Ambaissadors. 9 licean.as, de tots nivèus (segunda, prumièra e terminau) e tots nivèus d'occitan (debutant.a a bilingu@), èran seleccionats entà representar l'occitan dens lor licèu, representar l'OPLO e ajudar l'estructura de politicas lingüisticas publicas dens sa comunicacion de cap aus/a las joen.as.

Aqueste projècte, qui n'existiva pas enqüèra a la debuta de ma tèsi, s'avera hòrt interessant per ma recèrca, pr'amor las candidaturas de licean.as constituïssen un còrpus escriut inedit dens lo quau 59 eslhèves explican perqué aprenen l'occitan, çò que representa per eths/eras, e çò que pensan que caleré har entà miélher avalorizar la lenga nòsta en mitan escolar.

---------------------------

Mardi 27 Juin 2023 à 15:57

Marie Armentia

a posté un article :

Semaine data SHS

Lo 8 de deceme de 2022, participèi a una matinada consacrada aus metòdes quantitatius emplegats en sciéncias dau lengatge, dens l'encastre de la "Setmana Dadas SUS" (= sciéncias umanas e sociaus) organizada per la PUD-B (Platafòrma Universitària de Dadas de Bordèu). I presentèi lo metòde MAC qu'empleguèi prau questionari en linha que difusèi a la prima de l'an passat. S'agís d'un metòde quanti-quali (quantitatiu e qualitatiu) creat especiaument per estudiar las representacions sociaus de las lengas (MAC = Metòde d'Analisi Combinada de las representacions sociaus de las lengas).

---------------------------

Mardi 7 Février 2023 à 16:14

Marie Armentia

a posté un article :

Séminaire "La Bretagne linguistique" - UBO

Lo 20 de mai de 2022, participèi au seminari "La Bretanha lingüistica" a l'universitat de Bretanha Orientau a Brest, dens una sesilha consacrada en màger part a d'autas lengas regionaus. Dens ma conferéncia, presentèi l'enquèsta sociolingüistica de 2020, e tanben quauquas rasons pr'amor de las quaus me sembla que l'occitan es, a còp, mei invisibilisat que d'autas lengas regionaus coma lo breton.

---------------------------

Mardi 24 Janvier 2023 à 15:15

Marie Armentia

a posté un article :

Journée des doctorant.es - Ameriber 2022

Lo 7 de deceme de 2022, participèi a la jornada daus/de las doctorant.as de l'equipa de recèrca en estudis iberics de l'universitat Bordèu Montanha, AMERIBER. La tematica de la jornada èra "Palimpsèsts politics e culturaus" e avèva per mira de soscar a las relacions entre tèxtes (concèptes, teorias, òbras) passats e produccion/practicas actuaus. Presentèi una debuta d'analisi d'un corpus textuau compausat de las candidaturas au projècte Liceans Ambaissadors, per amuishar que las practicas d'aprenedissatge de l'occitan de las/los licean.as candidat.as es un mejan de crear, o entertiéner, un ligam dab los/las vielh.as e dab lor territòri, mes tanben d'aver accès ad una auta istòria, una qui n'es pas ensenhada en cors d'istòria ; l'occitan es atau una mena de pòrta entà construsir lor identitat individuau pròpia en questionar nosta identitat nacionau.

---------------------------

Lundi 23 Janvier 2023 à 15:31

Marie Armentia

a posté un article :

LangaJE - Une thèse pour rien ?

Lo 18 de noveme de 2022, anèi a Lion per participar ad una jornada d'estudi organizada per doctorant.as de duas universitats. La jornada èra organizada per las/los doctorant.as en sciéncias dau lengatge e pertocava la vulgarizacion scientifica e l' "après-tèsi", dab l'objectiu de respóner a la question : "a qué serveish una tèsi en lingüistica ?". La comunicacion scientifica que hasoi dab Mélissa Gonzalez, doctoranta en antropologia a l'EHESS (Paris), pertocava lo talhèr de vulgarizacion que hasoi a Cap Sciéncias a la fin de seteme (article aicí). Entà utilizar lo talhèr per collectar dadas sus la representacions sociaus de l'occitan en çò dau public familiau dau talhèr, creèm amassa una grasilha d'observacion qu'empleèm totas duas pendent que hasèvi lo talhèr.

---------------------------

Lundi 23 Janvier 2023 à 10:26

Marie Armentia

a posté un article :

SOILLSE - Rooting Minority Language Policy in the Speaker Community

A la fin d'agost de 2022, participèi (en linha) ad un collòqui en Escòcia, sus l'Isla de Lewis. La particularitat d'aquesta presentacion es que n'èra pas una presentacion scientifica mes una presentacion on representavi l'institucion de politica lingüistica qu'es l'OPLO : mei precisament, presentèi lo Plan d'Accion Licèu e mei particularament un bilanç dau projècte Liceans Ambaissadors.

---------------------------

Vendredi 20 Janvier 2023 à 15:20

Marie Armentia

a posté un article :

Fête de la Science - table ronde "Diversité des langues"

La Hèsta de la Sciéncia es un eveniment nacionau annau organizat prau Ministèri de l'Ensenhament superior, de la Recèrca e de l'Innovacion. Per la 31au edicion, l'OPLO participè ad aqueste eveniment prau dusau còp, en organizar una taula redonda en linha sau tèma daus ligams entre biodiversitat e diversitat de las lengas. L'objectiu èra d'amuishar que las lengas regionaus son importantas e pòden aver una plaça de las importantas dens la construccion deu nòste avenir. Aquesta taula redonda estó organizada en partenariat dab lo Cirdoc - Institut de cultura occitana. Los/las intervenant.as vienèvan dau monde de la recèrca, mes tanben dau monde de l'educacion e dau comèrci, per tant de representar lo monde concernats per aquesta question.

 ---------------------------

Lundi 9 Janvier 2023 à 15:39

Marie Armentia

a posté un article :

Bureau des Enquêtes - Cap Sciences

Lo Burèu de las Enquèstas es un talhèr de vulgarizacion scientifica organizat per Cap Sciences, lo Centre de Cultura Scientifica, Tecnica e Industriau (CCSTI) de Bordèu. Cada dimenge, de 3ò a 5ò dau vrèspe, un.a cercaire/a presenta 3 objèctes e lo monde (en màger part, familhas) deven devinar lo subjècte de sa recèrca.

Participèi au Burèu de las Enquèstas lo 25 de seteme de 2022 dab aquestes objèctes :

   - una paquetalha de cartas postaus ancianas dab escritura en occitan

   - lo libe Harry Potter e la pèira filosofau en gascon

   - un bonet d'ase

---------------------------

Lundi 9 Janvier 2023 à 14:27

Marie Armentia

a posté un article :

PubhD : ma thèse au pub

Lo dimècres 9 de noveme de 2022, presentèi ma tèsi en 10 minutas dens un pub a Bordèu, dab dus autes doctorants bordalés. Èra l'escadença d'encontrar monde e de véder çò que coneishen e/o pensan de l'occitan.

---------------------------

Lundi 9 Janvier 2023 à 14:27

Marie Armentia

a posté un article :

XXXVe Journées de Linguistique

Hasoi una comunicacion scientifica (en visioconferéncia) au collòqui estudiantin "Las Jornadas de lingüistica" organizat per l'universitat Laval a Quebèc lo 17 de març de 2022 per presentar la metodologia de mon enquèsta de tèsi.

---------------------------

Mardi 8 Novembre 2022 à 17:31

Marie Armentia

a posté un article :

Sociolinguistics Symposium 24 - Inside and beyond binaries

Dau 13 au 16 de julh de 2022, participèi a distància a un symposium internacionau de sociolingüistica qui se debanè a Gant en Belgica. Mei precisament, i presentèi un poster scientific per explicar lo contèxte e ma metodologia d'enquèsta e presentar mas prumièras resultas. La lenga de comunicacion d'aqueste symposium èra l'anglés.

---------------------------

Mardi 8 Novembre 2022 à 17:13

Marie Armentia

a posté un article :

Journée des doctorant.es IKER 2022

Presentacion de las prumièras resultas de mon enquèsta de tèsi a la jornada annau daus/de las doctorant.as dau centre IKER e de l'universitat dau País Basco (Leioa, a costat de Bilbau) lo 8 de junh de 2022 a Vitoria-Gasteiz en Espanha. Dens aquesta presentacion, parlèi notadament daus problèmas qu'encontrèi per mon "focus" territoriau dens la vila d'Ortès (64).

---------------------------

Mardi 8 Novembre 2022 à 16:06

Marie Armentia

a posté un article :

Webinaire "Los Dimars de l'OPLO" #3

A la seguida de la taula redonda organizada lo 6 d'octobre dens l'encastre de la Hèsta de la Sciéncia, l'OPLO lançèt lo son webinari trimestriau de vulgarizacion scientifica, "Los Dimars de l'OPLO". Aqueste cicle de mini-conferéncias en linha balha carta blanca a un.a cercaire/a per que presente un aspècte de la sona recèrca en ligam damb l'occitan e/o la sociolingüistica e la didactica de las lengas minorizadas.

La tresau edicion dau webinari Los Dimars de l'OPLO se debanèt lo dimars 21 de junh a 6ò dau vrèspe en linha sus Microsoft Teams. L'invitat èra Pierre Escudé, professor de las universitats a l'universitat de Bordèu e responsable dau percors bilingüe dau Master MEEF CRPE especiau francés-occitan dens las académias de Bordèu e Tolosa.

Dens la sona conferéncia, presentèt las relacions istoricas entre matematicas e occitan e l'interès de la DNL (disciplina (escolara) non-lingüistica) mats.

 ---------------------------

Mardi 8 Novembre 2022 à 15:38